អ្នកណាយល់អារម្មណ៍មួយនេះ! ប្រពន្ធទទួលយកមិនបានទេ គ្រាន់តែប្តីចតឡានចាំប្រពន្ធមួយភ្លេតសោះ ស្រាប់តែរថយន្តហ៊ឺយ៉ាន់ដាយដាច់ហ្វ្រាំង ដួលសង្កត់ពីលើរថយន្ត ដែលបណ្តាលអោយ…..

ហេតុការណ៏គ្រោះថ្នាក់ចរាចរណ៏មួយ ស្ថិតនៅត្រង់ចំនុចស្រុកកំពង់សីលា ដោយករណីមួយនេះ គឺរថយន្តបុករះបន្តគ្នា ដែលកើតឡើងកាលពីវេលាប្រមាណម៉ោង​ ១០ និង១៣នាទីព្រឹក​ ថ្ងៃ​ទី​១៧ ខែ​កុម្ភៈ​ ឆ្នាំ​២០១៩ លើផ្លូវជាតិ
លេខ​ ៤​ ចន្លោះ​គីឡូម៉ែត្រ​លេខ​ ១៤១-១៤២​ ចំណុច​ថ្នល់បំបែកស្រែអំបិល​ ក្នុង​ភូមិ​ចំការ​ហ្លួង​ ឃុំ​ចំការ​ហ្លួង​ ស្រុកកំពង់សីលា​ ខេត្តព្រៈសីហនុ​។រថយន្ដដែលបង្កហេតុ គឺរថយន្តដឹកសុីម៉ង់ត៌​ ​ម៉ាក​ហុីយ៉ាន់ដាយ​ ពាក់​ស្លាក​លេខ​ កំពង់​ធំ​ ៣A-១៣៦៩ ដែលមានទិសដៅចេញពីកំពង់ផែស្រុកស្រែអំបិលទៅភ្នំពេញ​ មកដល់​ចំណុច​កេីតហេតុខាងលើ រថយន្តចុះពីចំណុចថ្នល់បំបែកផ្លូវជាតិលេខ​ ៤៨​ ឆ្លង​ចូលផ្លូវជាតិលេខ​ ៤ ​ ស្រាប់តែដាច់ហ្វ្រាំងក៍បានបុករថយន្ត​ បន្ដកន្ទុយគ្នាចំនួន ៤គ្រឿង​ផ្សេងទៀត ដែលបានចតនៅ ចិញ្ចេីមផ្លូវគ្រួសក្រហម​ បណ្តាល​អោយ
បុរសម្នាក់​បានស្លាប់​ បាត់បង់ជីវិតភ្លាមៗ នៅនឹងកន្លែងកើតហេតុ និងម្នាក់ទៀតរបួស​ធ្ងន់​។បុរសដែលបានស្លាប់ក្នុងហេតុការណ៏គ្រោះថ្នាក់ចរាចរណ៏ខាងលើ ដែលបានធ្វើអោយភរិយាយំស្ទើរតែគាំងនោះ មានឈ្មោះថា សុទ រិទ្ធី ភេទប្រុស អាយុ ៣៨ឆ្នាំជិះរថយន្ដម៉ាក​ CRV ពណ៌​ទឹកប្រាក់​ ដែលមានពាក់ស្លាកលេខ​ ភ្នំពេញ​ ២M-២៨២១​ មាន​ទីលំនៅ​ភូមិ​ ០៤​ សង្កាត់​លេខ​ ០៤​ ក្រុងព្រះសីហនុ​ ខេត្តព្រះសីហនុ។ទទឹមនឹងនេះដែរ បុរសដែលបានស្លាប់ក្នុងហេតុការណ៏ខាងលើនេះ ត្រូវបានអោយស្គាល់ពីអត្ដសញ្ញាណ គណនី ហ្វេស ប៊ុករបស់គាត់ មានឈ្មោះថា Rithy Sot។ នៅពេលកើតហេតុខាងលើ រូបគាត់បានចត​រថយន្ដនៅ​លើ​ចិញ្ចើម​ផ្លូវ​គ្រួសក្រហម ដើម្បីចាំប្រពន្ធ​ និងកូន ចុះទៅទិញអីវ៉ាន់ នឹង​ចំណី​អាហារមួយចំនួន​ ស្រាប់តែរថយន្ដបង្កហេតុ បានបុក បណ្ដាលឲ្យក្រឡាប់សង្កត់ពីលើរថយន្ដរបស់គាត់ ស្លាប់ក្នុងរថយន្តតែម្ដង។